Pas zbulimit të Jada Pinkett Smith se ajo është ndarë nga Will Smith për shtatë vite të bukura , një përfaqësues i Meryl Streep dhe Don Gummer ka konfirmuar se çifti ka jetuar të ndarë që nga viti 2017.
“Ndërsa ata gjithmonë do të kujdesen për njëri-tjetrin, ata kanë zgjedhur të jetojnë të ndarë”, tha ekipi i Streep për People. Lajmi vjen menjëherë pas 45-vjetorit të martesës së çiftit më 30 shtator.
Streep u takua për herë të parë me Gummer përmes vëllait të saj, Harry, në vitin 1978. Në atë kohë, ajo ishte ende në zi për të dashurin e saj të ndjerë John Cazale, i cili kishte ndërruar jetë nga kanceri atë pranverë, por ajo menjëherë ra në dashuri me Gummer, duke u martuar me të në të njëjtin vit.
“Së pari do të falënderoj Don, sepse kur falenderon burrin tënd në fund të fjalimit, ata e luajnë atë me muzikë dhe unë dua që ai të dijë se gjithçka që unë vlerësoj më shumë në jetën tonë, ti më ke dhënë mua”, i tha Streep e përlotur.
Ndërsa çifti nuk janë më bashkë, ata kanë katër fëmijë, Louisa Jacobson nga The Gilded Age, Grace Gummer, Mamie Gummer nga The Good Fight dhe Henry Wolfe , së bashku me pesë nipër e mbesa. Kur u pyet nga Vogue se cili është sekreti i një martese të suksesshme në vitin 2002, Streep dha një përgjigje e cila mund të zbatohej po aq mirë në një ndarje. “Vullneti i mirë dhe gatishmëria për të qënë i përkulur dhe për të mbyllur gojën herë pas here. Nuk ka asnjë udhërrëfyes se si të rritet një familje, është gjithmonë një negocim i madh.”
