Zara thotë se i vjen keq për një “keqkuptim” që ndodhi në lidhje me një fushatë reklamimi të kritikuar për përdorimin e fotove që ngjasojnë me imazhe nga lufta Izrael-Gaza.
Kompania ka fshirë fotografitë e mbetura pas reagimeve në mediat sociale dhe ankesave në Mbretërinë e Bashkuar.
Një imazh tregonte një modele që mbante një manekin të mbështjellë me plastikë të bardhë.
Zara tha se disa klientë panë “diçka larg asaj që synohej kur u krijuan”.
Disa përdorues të mediave sociale në X, dikur Twitter, kishin bërë thirrje për bojkot ndaj kompanisë të modës.
Zara tha se fushata, duke reklamuar linjën e saj Atelier, është “e konceptuar në korrik dhe është fotografuar në shtator”.
Më 7 tetor, Hamasi filloi një sulm kundër Izraelit, duke vrarë 1200 njerëz. Izraeli nisi sulme hakmarrëse në Gaza, për të cilën ministria e shëndetësisë e drejtuar nga Hamasi në territor thotë se ka vrarë rreth 18,200 njerëz.
Fushata e Zara – e quajtur “Xhaketa” – përmbante një seri imazhesh në të cilat modelja ishte fotografuar në sfondin e gurëve të plasaritur, statujave të dëmtuara dhe kartonit të gipsit të thyer.
Disa njerëz në mediat sociale sugjeruan se ato ishin të ngjashme me imazhet që dolën nga Gaza.
Në një deklaratë të lëshuar disa ditë pasi polemikat u shfaqën për herë të parë, Zara tha: “Për fat të keq, disa klientë u ndjenë të ofenduar nga këto imazhe, të cilat tani janë hequr, dhe panë në to diçka larg asaj që synohej kur u krijuan.
“Zarë-s i vjen keq për këtë keqkuptim dhe ne rikonfirmojmë respektin tonë të thellë ndaj të gjithëve.”
