Al Pacino ka pranuar t’i paguajë të dashurës së tij, Noor Alfallah, 30,000 dollarë në muaj si mbështetje për djalin katër muajsh të çiftit, si dhe një mori pagesash të tjera, sipas dokumenteve të reja të gjykatës të siguruara nga ‘Insider’.
Dokumentet gjyqësore të depozituara në Gjykatën e Lartë të Kalifornisë thonë se një gjykatës vendosi që 83-vjeçari Pacino dhe 29-vjeçari Alfallah do të ndajnë kujdestarinë e përbashkët të djalit të tyre, Roman, por që Alfallah do të kishte kujdestarinë fizike të fëmijës.
Përveç 30,000 dollarëve në muaj për mbështetjen e fëmijëve, aktori fitues i cmimeve Oskar, do t’i duhet gjithashtu t’i paguajë Alfallah një pagesë shtesë prej 110,000 dollarë, thonë dokumentet e gjykatës.
Shuma e përgjithshme është “synuar të përdoret” nga Alfallah “për ta ndihmuar atë të zhvendoset në një banesë të re për të dhe Romanin, si dhe çdo mobilje, orendi dhe shpenzimet e lëvizjes që mund të jenë të nevojshme “, sipas dokumenteve të gjykatës.
Dokumentet e gjykatës thonë gjithashtu se për sa kohë që aktori i “Scarface” është gjallë, ai do të duhet të bëjë një depozitë vjetore prej 15,000 dollarësh për një llogari kursimi kolegji për Roman.
Për më tepër, Pacino do të duhet të paguajë “100%” të të gjitha kostove të kujdesit shëndetësor për Roman që nuk mbulohen nga sigurimet, si dhe “100%” të “aktiviteteve dhe mësimeve jashtëshkollore të dakorduara reciprokisht” të Romanit, sipas dokumenteve të gjykatës. .
Dokumentet e gjykatës thonë se aktori dhe Alfallah kanë arritur një sasi të kompromentuar të mbështetjes së fëmijëve në interes të një zgjidhjeje paqësore dhe në përputhje me dëshirën e tyre për të mbajtur një marrëdhënie miqësore për interesin më të mirë të fëmijës së tyre të mitur.
Pacino është gjithashtu babai i binjakëve 22-vjeçarë, Olivia dhe Anton, të cilët i mirëpriti me ish të dashurën e tij, Beverly D’Angelo, dhe një vajzë 33-vjeçare, Julie, me trajneren e aktrimit Jan Tarrant.
