Dy depozita vere në destilerinë Levira kanë shkaktuar një përmbytje të vërtetë në fshatin e komunës së Anadias, Portugali. 2.2 milionë litra verë të kuqe kanë vërshuar në rrugë, duke i lënë banorët gojëhapur në vendngjarje.
Sigurisht pas kësaj situate,kompania ka marrë përgjegjësinë për dëmet e shkaktuara, të cilat falë forcave lokale është parandaluar një fatkeqësi mjedisore. Hetimet po bëhen nga autoritetet përkatëse për të ditur motivin e derdhjes nga depozitat.
Pamjet e momentit shpërthyes në rrugë të verës kanë qarkulluar në postime të ndryshme në rrjete sociale,ku duket qartë si vera e kuqe vendosi të bëjë “një shëtitje“ në Portugali.
Portugalia është e njohur për verën e saj, me rajone si Lugina Douro e famshme për prodhimin e verës Port, dhe rajone si Alentejo dhe Vinho Verde të njohura për verërat e tyre të kuqe dhe të bardha. Eksplorimi i rrugëve të Portugalisë me fokus verën mund të jetë një përvojë e këndshme dhe pasuruese për entuziastët e verës dhe udhëtarët e interesuar për kulturën dhe traditat e vendit.
Së bashku me vendet e tjera prodhuese të verës si Franca, tani ka një mbiofertë për shkak të rënies së konsumit, ndër të tjera.
Lini një Përgjigje