Kasti i ‘Friends’ pak ditë më parë lëshoi një deklaratë të përbashkët pas vdekjes së Matthew Perry, por tani ata po postojne homazhet e tyre individuale. Pas Matt LeBlanc, i cili luajti rolin e Joey, Courteney Cox, e cila luante Monica Geller postoi një homazh të përzemërt duke nderuar aktorin. Veçanërisht, të dy aktruan përkrah njëri-tjetrit si miq të kthyer në bashkëshortë në “Friends”, i cili u shfaq nga viti 1994 deri në 2004. Ata u martuan në sezonin e 7 dhe adoptuan binjakë në finalen e sezonit të 10-të dhe të fundit të serialit.
Aktorja ndau një nga kujtimet e saj të preferuara për të dhe tha se ishte “shumë mirënjohëse për çdo moment” që ata punuan së bashku.
”Jam shumë mirënjohëse për çdo moment që kam pasur me ty Matty dhe më mungon çdo ditë. Kur punoni me dikë aq ngushtë sa unë me Matthew, ka mijëra momente që do të doja t’i ndaja. Tani për tani këtu është një nga të preferuarat e mia”, ka shkruar ajo.
Ajo ndau një video nga sezoni i 4, në të cilën Chandler dhe Monica zbulohet se kanë fjetur së bashku ndërsa ishin në Londër për martesën e vëllait të saj Ross. Duke shkruar për skenën, ajo vazhdoi, “Për të dhënë një histori të vogël, Chandler dhe Monica supozohej të kalonin një natë në Londër. Por për shkak të reagimit të publikut, kjo u bë fillimi i historisë së tyre të dashurisë. Në këtë skenë, para se të fillonim të aktronim, ai pëshpëriti një rresht qesharak që unë duhet te thoja. Ai shpesh bënte gjëra të tilla. Ai ishte gazmor dhe ishte i sjellshëm”.
