Javën e kaluar, aktorja dhe këngëtarja, 31 vjeç, Selena Gomez la një mori komentesh në një postim të një faqeje fansash, ku spekulohej për lidhjen e saj me producentin muzikor Benny Blanco.
Mes komenteve ishte edhe një deklaratë e sinqertë për historinë e saj me procedurat estetike. “Hahahaha unë kam bërë botox vajzë”, shkroi Gomez në përgjigje të komentit të një përdoruesi, i cili është fshirë.
Deklarata shënoi herën e parë që Gomez pranoi publikisht se kishte bërë ndonjë procedurë kozmetike, megjithëse ajo nuk specifikoi se çfarë lloj Botox ka pasur ose ku është përdorur.
Deklarata e Gomez për Botox ishte vetëm një nga disa zbulime të bëra nga këngëtarja në Instagram javën e kaluar.
Në të njëjtin postim, Gomez gjithashtu ngacmoi fansat per publikimin e muzikës së re ndërsa ajo iu përgjigj një përdoruesi tjetër të mediave sociale, “jam shumë e emocionuar që po vjen” kur një fans kërkoi “muzikë të mirë”.
Ajo gjithashtu tha se muzika po vjen “shumë përpara ditëlindjes sime”, që është në korrik.
