Kategori: VIP

Kourtney Kardashian Barker solli në jetë këtë javë fëmijën e saj të parë me bashkëshortin Travis Barker, sipas dy burimeve pranë ‘Nbc news’.

Kardashian Barker, e cila u martua me bateristin e Blink-182 vitin e kaluar dhe njoftoi shtatzëninë e saj në qershor, mirëpriti një djalë.

Çifti kishte dokumentuar ‘betejën’ e Kardashian-Barker për të mbetur shtatzënë në serialin televiziv që shfaqet në Hulu “The Kardashians”. Kamerat ndoqën rrugëtimin e saj teksa filloi trajtimet IVF. Më vonë ajo njoftoi se e kishte ndaluar procesin dhe do ta linte planifikimin e saj familjar në duart e Zotit.

Në muajin shtator, Kardashian Barker iu nënshtrua urgjent nje operacioni të fetusit” dhe vlerësoi mjekët e saj që shpëtuan jetën e foshnjës së saj. Disa shfaqje Blink-182 u shtynë dhe Barker u largua për pak kohë nga turneu për të qenë me gruan e tij.

Kardashian Barker ka edhe tre fëmijë të tjerë me ish-partnerin e saj, Scott Disick, ku me i madhi quhet Mason, 13 vjec, Penelope, 11 vjec dhe Reign, 8 vjec. Barker ka dy fëmijë nga martesa e tij e mëparshme me modelen Shanna Moakler, Landon, 20 vjec ; dhe Alabama, 17 vjec.

Aktorja Angelina Jolie ka ndëshkuar fushatën ajrore të Izraelit në Gaza si “bombardim i qëllimshëm i një popullsie të bllokuar” dhe “vrasje”. Në një postim në Instagram, Jolie ndau një foto të një sulmi të fundit izraelit në veri të Rripit, duke thënë:

“Gaza ka qenë një burg në ajër të hapur për gati dy dekada dhe po bëhet shpejt një varr masiv. 40% e të vrarëve janë fëmijë të pafajshëm. Familje të tëra po vriten.”

Ajo shtoi: “Duke refuzuar të kërkojë një armëpushim humanitar dhe duke bllokuar Këshillin e Sigurimit të OKB-së që të imponojë një të tillë për të dyja palët, liderët botërorë janë bashkëpunëtorë në këto krime”.

Uashingtoni dhe liderë të tjerë botërorë kanë thënë se Izraeli përpiqet të çrrënjosë infrastrukturën e grupit terrorist Hamas në Rrip dhe kjo do t’i jepte terroristëve një fitore pas vrasjeve të tyre shkatërruese të 7 tetorit në komunitetet izraelite.

Elon Musk thotë se njerëzit duhet të nxiten të kenë fëmijë për rritjen e popullsisë në mbarë botën. Miliarderi, babai i 11 fëmijëve, paralajmëroi se njerëzimi do të jetë i dënuar me ‘harresë’ nëse lindshmëria bie. ‘Të kesh fëmijë duhet të stimulohesh, jo të jetë një ndëshkim financiar siç është në shumicën e vendeve!’ Musk shkroi në X, dikur Twitter, të cilin ai e zotëron

“Ne duhet të krijojmë gjeneratën e ardhshme të njerëzve ose do të kalojmë në harresë”. Deklarata erdhi si përgjigje ndaj Presidentes së Hungarisë, Katalin Novak, që postoi një sondazh në faqe ku pyeti ‘a duhet të jenë njerëzit me fëmijë në disavantazh financiar në krahasim me ata pa fëmijë?’

“Në Hungari, ne do të donim që njerëzit me fëmijë të kishin një avantazh financiar”, shtoi Novak. Kjo vjen pasi Hungaria kohët e fundit njoftoi një sërë politikash pro-nataliste, duke përfshirë përjashtime nga taksat për gratë me më shumë se katër fëmijë, kredi që hiqen pasi çiftet kanë tre ose më shumë fëmijë, ndihmë për blerësit për herë të parë me fëmijë dhe përfshirje në qeveri.

Vetë Musk ka 11 fëmijë: Techno Mechanicus, Griffin, Vivian, Kai, Saxon, Damian, X, Nevada, Exa dhe binjakët emrat e të cilëve nuk dihen ende publikisht. Manjati i Tesla-s ka bërë komente pro-nataliste më parë, duke thënë se: “nëse njerëzit nuk kanë më shumë fëmijë, qytetërimi do të shkërmoqet”, gjatë një vizite në fabrikë në vitin 2021, raportoi Wired.

Më vonë, në një ngjarje të Wall Street Journal në 2022, ai përsëriti ‘Motivi kryesor është puna, nuk ka njerëz të mjaftueshëm. “Nuk mund ta theksoj sa duhet. Një nga rreziqet më të mëdha për qytetërimin është lindshmëria e ulët.’ Shtetet e Bashkuara po përballen me një rënie të nivelit të lindjeve dhe kostoja e rritjes së tre fëmijëve i kushton familjes mesatare amerikane 54,000 dollarë në vit – me kostot që rriten mbi 90,000 dollarë në qytetet më të shtrenjta të vendit. Në mënyrë tipike, çmimi i kujdesit për fëmijët, strehimit, ushqimit, shpenzimet mjekësore dhe transporti janë më të lartat për të lindurit e parë, me një mesatare vjetore prej 20,814 dollarë në mbarë vendin.

Celine Dion bëri daljen e saj të parë publike pas tre vitesh, pasi u diagnostikua me një çrregullim neurologjik.

Krijuesja e hitit ‘My Heart Will Go On’, mori pjesë në lojën NHL midis ekipit të qytetit të lindjes, Montreal Canadiens dhe Arenës T-Mobile të Las Vegas Golden Knights në Las Vegas.

Ajo ishte e shoqëruar nga tre djemtë e saj, René-Charles 22-vjeçar dhe binjakët Eddy dhe Nelson 13-vjeçarë.

Pas ndeshjes, Celine u pa duke biseduar me ekipin e Canadiens teksa u shtrëngonte duart dhe pozonte për foto.

Ekipi ndau gjithashtu një video nga takimi i skuadrës me Celine në faqen e saj në Instagram duke shkruar: “Kur emblemat e Quebec takohen në Las Vegas…”.

Për më tepër, ajo u dha atyre këshilla se si të këmbëngulin dhe të kujdesen për shëndetin e tyre në mes të betejës së saj të vazhdueshme me sindromën e personit të ngurtë, e cila është një gjendje e rrallë dhe përfshin spazma të pakontrolluara dhe të rënda të muskujve që prek një në një milion njerëz në mbarë botën.

Paraqitja e pesë herë fitueses së Grammy vjen pasi ajo doli në publik në dhjetor 2022 me diagnozën e saj.

Muzika e Taylor Swift ka prekur miliona njerëz anembanë botës, duke përfshirë të dashurin e saj të ri Travis Kelce, i cili së fundmi tha në një intervistë se e ka zotëruar artin e ‘të mos të të interesuarit për asgjë’.

Dhe duket se ai nuk është i vetmi që përfiton nga magjia e Taylor. Fansat në Reddit e përshkruajnë të qenurit pjesë e komunitetit Swiftie si “pothuajse si kult, në mënyrën më të mirë”.

Tani, studimet kanë filluar të sugjerojnë se muzika e saj mund të ketë një efekt të vërtetë, të matshëm në shëndetin mendor të njerëzve , dhe jo gjithmonë në një mënyrë të mirë.

Ndërsa Taylor Swift adhurohet nga miliona njerëz, efektet e muzikës së saj tek fansat e saj nuk kanë qenë gjithmonë pozitive.

Disa fansa raportuan se i kishte humbur kujtesa pas koncertit, pasi u tronditën shumë duke e parë atë live pasi e kishin ëndërruar për kaq shumë kohë.

Ekspertët thonë se ka prova të mira për të shpjeguar fenomenin, i cili nuk u ndodh vetëm super-fansave të Swift-it, të cilët e quajnë veten Swifties.

Neuroshkencëtari Dr Dean Burnett, bashkëpunëtor nderi i kërkimit në Universitetin e Cardiff, MB, tha: “Nëse jeni në një koncert të dikujt që dashuroni, i rrethuar nga mijëra njerëz të tjerë shumë të emocionuar, duke dëgjuar muzikë me të cilin keni krijuar lidhje emocionale, kjo do të shnderrohet ne shumë emocione që do t’ju ndodhin në një kohë.

“Përveçse rraskapitëse për trurin, do të nënkuptojë se të gjitha gjërat që përjetoni do të kenë një cilësi të lartë emocionale, që do të thotë se asgjë nuk “shquhet” dhe kjo është e rëndësishme nëse doni të rikuperoni një kujtim më vonë.

Dr Ewan McNay, një profesor i asociuar në departamentin e psikologjisë në Universitetin Shtetëror të Nju Jorkut në Albany, tha se truri i njerëzve reagon ndaj emocioneve ekstreme pozitive në mënyrë të ngjashme me mënyrën se si ata reagojnë ndaj stresit negativ.Kjo mbingarkesë mund ta bëjë më të vështirë formimin e kujtimeve.

Ish aktori i “Friends”, Matthew Perry i cili pak ditë më parë u gjet i vdekur,  zbuloi në librin e tij se ai ishte i dashuruar me kolegen e serialit ‘Friends’, Jennifer Aniston gjatë viteve të para të njohjes së tyre. Perry gjithashtu pranoi se i ishte thyer zemra kur u përball me refuzimin e saj pasi e kërkoi të dilnim në një takim. 

Në autobiografinë e tij, “Friends, Lovers, and the Big Terrible Thing: A Memoir”, aktori i ndjerë tha se ishte njohur me Aniston për tre vjet përpara se të fillonin xhirimet e Friends, përmes miqve “të perbashket”. Duke folur për dashurinë e tij, Perry zbuloi se ai ishte “terhequr menjëherë nga ajo”. Megjithatë, Aniston nuk ia ktheu ndjenjat. “E kuptova se edhe ajo ishte e intriguar, ndoshta do të ishte diçka”, shkroi ai në kujtimet e tij.

Kur Perry-t iu ofrua roli i Chandler në Friends, aktorja e “Horrible Bosses” ishte personi i parë që ai thirri. Por ai mendoi se dukej i dëshpëruar në sytë e saj, duke thënë: “Unë mund të ndjeja akullin që formohej përmes telefonit”. Ai shtoi në kujtime, “Duke parë prapa, ishte e qartë se kjo e bëri atë të mendonte se më pëlqente shumë ose në mënyrën e gabuar.” Menjëherë pas kësaj, Perry i kërkoi asaj një takim, por Aniston e refuzoi ofertën. Edhe pse ai u befasua kur ajo i tha se ata mund të ishin miq, dyshja zhvilluan një lidhje të fortë më vonë me kalimin e kohës dhe ata kaluan më shumë kohë së bashku.

Duke përshkruar incidentin, Perry shkroi, “Unë e shtova gabimin duke e pyetur atë, dhe [Jennifer] nuk pranoi (gjë që e bëri shumë të vështirë të dilte me të), por tha se do të donte të ishte shoqe me mua, dhe unë e hoqa kompleksin duke thënë: ‘Ne nuk mund të jemi miq!’” Ai vazhdoi, “Tani, disa vite më vonë, për ironi ne ishim miq. Për fat të mirë, edhe pse unë isha ende i tërhequr nga ajo dhe mendoja se ajo ishte kaq e mrekullueshme, atë ditë të parë arritëm të kalonim të kaluarën dhe të fokusoheshim në faktin se të dy kishim marrë punën më të mirë që Hollivudi kishte për të ofruar.”

Megjithatë, Perry ishte ende i dashuruar me Aniston kur të dy aktorët u bashkuan në serialin Friends në 1994. Ylli i Odd Couple kujtoi se nuk ndjehej rehat pasi situata shpejt u bë “e vështirë” për të. “Do të pyesja veten, sa kohë mund ta shikoj atë? A janë tre sekonda shumë?” ai shkroi. Më vonë në 1998, kur Aniston filloi të takohej me Brad Pitt, ai e kishte “kaluar prej kohësh”. Perry kujtoi se që atëherë ai ishte në gjendje të fliste normalisht me të.

Molly Hurwitz, ish e fejuara e Matthew Perry, ka folur pas vdekjes së aktorit. Të dy vendosën të ndaheshin në vitin 2021, pasi Perry anuloi fejesën me Hurwitz. “Ndonjëherë gjërat thjesht nuk funksionojnë dhe kjo është një prej tyre,” tha Perry në një deklaratë në atë kohë, sipas PEOPLE.

“Ai do të donte që bota të fliste se sa i talentuar ishte. Dhe ai ishte me të vërtetë shumë i talentuar”, ka shkruar Hurwitz në Instagram. “Ndërsa ribashkimi i Friends po afrohej, ne e rishikuam shfaqjen së bashku. Respekti dhe vlerësimi ynë për humorin është diçka që na lidhi. Të ishe me të ndërsa ai rizbulonte shkëlqimin e tij ishte magjike.”

“Por, padyshim që e njihja atë njeri në mënyra shumë të ndryshme. Ndërsa unë e doja atë më thellë se sa mund ta kuptoja, ai ishte i komplikuar dhe më shkaktoi dhimbjen që nuk e kisha njohur kurrë. Askush në jetën time nuk ka pasur një ndikim më të thellë tek unë sesa Matthew Langford Perry. Unë kam një mirënjohje të jashtëzakonshme për këtë, për gjithçka që mësova nga marrëdhënia jonë”, ka shkruar ajo pjesërisht, duke shtuar në fund: “Matty, ndjej lehtësim që je në paqe”.

Aktori vdiq nga mbytja ne vaske, diten e shtunë, më 28 tetor. Zyra e ekzaminimeve mjekësore të qarkut të Los Anxhelosit ka konfirmuar për gazetën PEOPLE se një autopsi ka përfunduar, por raportet toksikologjike janë në pritje.

Kim Kardashian pati një sulm të papritur nga njerezit ne rrjetet sociale, për dekorimet e saj për Halloween.

Ylli i ‘Keeping up with the Kardashians, 43 vjeç, hyri në Instagramin e saj të premten për të treguar se ajo ‘u përpoq me të vërtetë’ për të arreduar rezidencën e saj në Calabasas me dekor të çuditshëm, por shumë ndjekës pretenduan se pamjet ishin shumë groteske dhe madje e kritikuan atë për shpenzimet pa kriter.

“Kjo është shumë e pakuptimtë për të mos përmendur pa shije, duke pasur parasysh tmerrin aktual që po ndodh në botë tani,” komentoi dikush. 

Në postimin e saj në Instagram, shtëpia e Kim ishte e zbukuruar në mënyrë ekstravagante me skelete, duar të mumifikuara, gjak të rremë, pjesë të trupit të copëtuara dhe të gjitha llojet e zbukurimeve të tmerrshme, ku edhe tavolina dukej e përgjakur dhe e shtrenjtë.

“Paratë nuk blejnë shijen apo moralin,” shkroi një komentues, ndërsa një tjetër tha: “Ju jeni shumë jashtë kontaktit me realitetin. ‘

Një përdorues e quajti një ‘shfaqje të sëmurë të pasurisë’, duke treguar familjen e gjerë Kardashian dhe reputacionin e tyre për tepricë dhe pasuri.

“Nuk e duroj dot këtë familje,” tha përdoruesi. “E dini sa njerëz mund të ushqeni me paratë e shpenzuara për këtë?”

Një përdorues sugjeroi se shfaqja e pasurisë ishte e panevojshme dhe Kim duhej t’i kishte dhuruar ato para për një kauzë të mirë.

Disa komentues thanë se shfaqja ishte veçanërisht e një shije të keqe mes valës së fundit të ngjarjeve vdekjeprurëse në titujt kryesorë, si lufta Izrael-Hamas, dhe të shtënave masive në Maine të mërkurën, në të cilën u vranë 18 njerëz.

Disa ditë më parë, këngëtari shqiptar Klajdi Haruni dha lajmin e bukur se ai dhe partnerja e tij, ishin bërë prindër për herë të parë. Ai ishte i ftuar në emisionin ‘Pardon my French’, në Top Albania Radio, ku ka folur për këtë eksperiencë të re në jetën e tij.

Klajdi, tregoi se sapo ishin kthyer nga Franca bashkë me partneren e tij dhe vajzën e tyre, të cilën e kanë pagëzuar me emrin Hea.

Moderatorja e emisionit Elona, e pyeti këngëtarin se cila ishte dhurata e veçantë që i bëri shoku dhe partneri i tij në botën e muzikës, Flor Mumajesi. 

‘Dhurata e parë fare që ka qenë një nga më të shtrenjtat për mua ka qenë kur sapo kisha marrë vesh lajmin që Orgesa është shhtatzënë dhe kur kam shkuar në studio për t’ia thënë Florit dhe ai ka bërë një melodi shumë të bukur. Atë që kemi vendosur tek klipi për Gender Reveal dhe kjo besoj që është dhurata që vlen më shumë nga të gjitha’, përfundon Klajdi.

Fitorja e tij në ‘Big Brother Vip Albania’ disa muaj më parë, emocionoi të gjithë fansat e tij në të gjithë Shqipërinë. Dhe pas asaj fitoreje, këngëtari Luiz Ejlli ka qënë tepër i angazhuar me koncertet dhe së fundmi me filmin e tij më të ri ‘Në kuadër të dashurisë’.

Por mesa duket të gjitha këto angazhime kanë ulur imunitetin e tij, ku këngëtari ka postuar një foto në rrjetet e tij sociale, nga spitali.

“Kam bërë mungesë në Instagram se nuk jam mirë. Po ju përshëndes me këta dy engjëjt mbrojtës, nuk më kanë lënë vetëm në asnjë sekondë”, u shpreh ai.

Ndërsa fansat janë të shqetësuar për shëndetin e tij, ata janë edhe më të vendosur për të ofruar mbështetje dhe solidaritet në këtë moment të vështirë me komentet pozitive në rrjetet sociale.

(Marrë nga Instagram)