Në kategorinë “VIP”, ju do të gjeni lajmet më të fundit, skandale, histori dhe portrete të ndryshme të njohurive dhe yjeve të ndritur në skenën botërore dhe vendase. Kjo kategori është dedikuar për ata që dëshirojnë të jenë një hap para në botën e ndryshme të yjeve dhe të mësojnë për jetën e tyre jashtë skenës. Fjala “VIP” në këtë kontekst është një fjalë kyçe që të sjell lajmet dhe përditësimet më të rëndësishme të momentit për njohuritë dhe personazhet e famshëm. Ndiqni këtë kategori për të mos humbur asgjë nga bota e yjeve dhe për të qenë të informuar për çdo ndodhi të rëndësishme.
Si çdo vit, revista ‘Forbes’ bën listën e saj me 100 gratë më të fuqishme në botë.
Nga Taylor Swift e cila për herë të parë doli në vëndin e pestë ku vitin e kaluar ishte në vendin e 69, tek presidentja e Komisionit Europian, Ursula von der Leyen e cila këtë vit kryeson listën.
Lista përbëhet nga filantropiste, biznesmene , nga media dhe arti ku Forbes mori në konsideratë paratë, mediat, ndikimin etj.
Dhe kështu ka plotësuar listën e 100 personave më me ndikim në botë si më poshtë.
Ditën e sotme të gjithë fansat e artit shqiptar, u zgjuan me një lajm të keq, ku artisti i madh Mirush Kabashi, ndërroi jetë në moshën 75-vjecare.
“Të nderuar miq, kolegë dhe dashamirës, me pikëllim të thellë ju njoftojmë se Mirush Kabashi ndërroi jetë të martën, në datë 5 dhjetor pas mesnate. Për sa i përket detajeve të ditës, orës së varrimit dhe homazheve, do ju komunikojmë në orët në vazhdim. Me respekt, familja Kabashi!” njoftuan familjarët e aktorit.
Mirush Kabashi i cili lindi më 17 prill 1948 në Shkodër, u bë i njohur për 100 rolet e tij në skenën e artit shqiptar.Disa nga rolet e tij më të spikatur në filma përmendim “Edhe ashtu edhe kështu”, “Zëvendësi i grave”, “Dora e ngrohtë”, “Koncert në vitin 1936”, “Nxënësit e klasës sime”, “Ne dhe Lenini” etj. Përsa i përket teatrit, një nga rolet e tij më të veçantë është padyshim Sokrati te “Apologjia e vërtetë e Sokratit”.
I njohur si një nga interpretuesit më të mirë të poezisë në Shqipëri , Mirush Kabashi mori cmimet si “Artist i merituar”, “Mjeshtër i madh i punës” dhe “Nderi i kombit”.
A mbeti dikush që nuk u trishtua për humbjen e madhe të aktorit Zef Deda sot? Familjarët dhe miqtë e tij kanë shprehur ngushëllime sapo kanë dëgjuar për lajmin e hidhur.
Aktori i madh i humorit dhe mik i ngushtë i Zef Dedës, Edmond Halili ka rrëfyer sot një një intërvistë për “News 24” pengun e tij të madh. Ai ka treguar se si ka mësuar për humbjen e jetës së mikut të tij pikërisht sapo kishte shkuar në derën e shtëpisë së tij.
Halili ka treguar që ishte nisur sot për tek shtëpia e Zefit por që fatkeqësisht nuk e gjeti gjallë.
Rrëfimi i tij i plotë: “Sot jam nisur për tek shtëpia e tij. Sa shkova te dera e shtëpisë, doli një infermiere dhe e pyeta se si ishte dhe tha; më vjen keq, Zefi ndërroi jetë.
Është një dhimbje e madhe për ne, për familjen e tij dhe për humorin shqiptar. Jam takuar me të, kemi bërë show në Pallatin e Kongreseve. Pinim kafe dhe nga një gotë raki. Me Zefin kam shumë kujtime, kemi qenë në një lagje, kemi dhënë shfaqje të mëdha. Jam me lot në sy, nuk mund të flasë më shumë (qan). Zefi ka qenë i mrekullueshëm, nuk bën nëna më Zef”
Alketa Vejsiu më në fund realizon ëndrrën e madhe të saj. Moderatorja e njohur dhe producentja e një sërë spektaklesh në ‘TV Klan’ ditën e sotme ka ndarë me ndjekësit e saj në Instagram lajmin e bukur që do të jetë pjesë kopertinës së revistës prestigjoze “Forbes UK”.
Në postimin e saj në Instagram, Alketa është shfaqur tejet e emocionuar për këtë eksperience të re teksa ka theksuar faktin që është krenare që është shqiptare, dhe se ëndrra e saj u bë realitet edhe pse Shqipëria është një vend i vogël.
Shkrimi i plotë i Alketes: “Dreams do come true! Made it to Forbes England! @forbes Grateful to share the Forbes Uk cover among global trailblazers! Happy to be featured on the front cover for the first time – a true honor and privilege!
-Jam vertete e lumtur qe jam ne Forbes UK ( artikullin mund ta lexoni ne Link Ne Bio)!
Personazhet ne galeri i perkasin botes se madhe, arritjeve te medha, impakteve te jashtezakonshme qe mund te kene ne bote permes zerit, dhe platformave te tyre; une ne te thjeshten time jam e kenaqur dhe krenare qe jam Shqiptare , mund te jemi vend i vogel por endrrat i kemi pasur gjithmone te medha. Jam ndjere gjithmone “nje qytetare e botes” dhe me krenari kam treguar gjithmone pashaporten 🇦🇱
Do vazhdoj te numeroj yje me shume se dollare⭐️
Gjithashtu @revistaclass_ do te jete partnere zyrtare e Forbes ne Shqiperi dhe Kosove duke evidentuar te tjere personazhe shqiptare qe meritojne vemendje ne vitrina nderkombetare; ndaj ky artikull hap rrugen per te tjere te rinj shqiptare qe me historite e tyre frymezuese do kene dritaren e tyre”
Ditën e sotme ka ndërruar jetë në moshën 73- vjeçare aktori i humorit Zef Deda. Shqipëria ka humbur një emër të madh të artit dhe humorin. Artisti i madh vuante prej kohësh nga një sëmundje e rëndë të cilës nuk i shpëtoj dot.
Zef Deda ka spikatur gjithmonë me rolet e tij shumëdimensionale në skenën e teatrit dhe kinematografisë. Është cilësuar gjithmonë si një nga komedianët më të mirë shqiptarë duke e krahasuar edhe me të madhin Charlie Chaplin. Ikja e tij nga jeta la një boshllëk të madh në skenën shqiptare. Të shumë janë familjarët dhe miqtë të cilët kanë shprehur dhimbjen për ndarjen nga jeta të aktorit të madh Zef Deda. I përjetshëm do të mbetet kujtimi i tij.
“Ngushëllimë familjes! Pusho në parajsë i madhi Zef Deda”.
Ditën e djeshme u bënë dy vite pa balerinën Hueyda El Saied. E trishtë ka qenë për familjen e saj të shtrenjtë, miqtë e ngushtë apo edhe për publikun që aq shumë e deshi dhe e duartrokiti në skenë, ndarja e parakohshme nga jeta e balerinës së njohur.
E teksa vitet kalojnë partnerit të saj Thierry dhe djalit Gabriel i mungon më së shumti. Në ditën e përkujtimit të saj partneri e ka kujtuar Hueyden në formën më të bukur, duke ndarë me ndjekësit e tij në Instagram një video ku shfaqet balerina e njohur në momentet e saj më të bukura familjare dhe artistike.
Video me momentet më të bukura të Hueydes u shoqërua me këngën e njohur “Interstellar”, e në brendësi të saj Thierry ka shkruar: “Hueyda prej dy vitesh po kërcen mes yjeve, përgjithmonë me ne!! Gabriel & Thierry”
Një nga futbollistët më të spikatur të Kombëtares Shqiptare të futbollit në këtë rrugëtim EURO 2024 është padyshim Jasir Asani. Ditën e sotme futbollisti i njohur ka qenë i ftuar në emisionin e mëngjesit “Wake Up” në ‘Top Channel’, ku ka rrëfyer më shumë rreth familjes së tij, jetës përsonale dhe rrugëtimit të tij me Kombëtaren.
Teksa ka folur për familjen e tij Asani është shprehur që ka patur gjithmonë mbështjetjen e tyre gjatë gjithë karrierës. E sa i përket jetës përsonale ai ka pohuar që është në një lidhje dashurie dhe që çifti janë gati për të kurorëzuar dashurinë e tyre me martesë: “Unë dua nuse vetëm shqiptare. Jam gati për martesë. Duhet të shoh dhe karrierën, i kam thënë që do presim dhe pak” u shpreh Asani.
Sa i përket Kombëtares ka dhënë një mesazh të bukur duke thënë: “Me këtë grup do të bëjmë gjëra të mëdha në Gjermani dhe do i bëjmë krenar tifozët!”
Spektakli më i ndjekur i kërcimit ‘Dancing With the Stars’ si çdo herë tjetër edhe këtë vit ka bërë bashkë personazhet më të dashur të publikut për të dhuruar spektakël me kërcimet e tyre në disiplina të ndryshme.
VIP-at vijnë javë pas jave me kërcime dhe disiplina të ndryshme të shoqëruar nga balerinët profesionist për të fituar në fund edhe çmimin e madh.
Javën e kaluar një nga balerinat profesioniste Erisa Govaçi u dëmtua teksa po bënte prova për spektaklin e madh, ajo shoqërohej nga konkurenti Eni Shehu e teksa po provonin kërcimin Erisa mbeti e dëmtuar duke lënë kështu menjëherë garën e kërcimit.
E megjithëse balerina e njohur duhet të qëndrojë jashtë pistës së kërcimit DWTHS për një periudhë të gjatë, sërish kjo atmosferë e ‘Dancing” nuk i ka munguar pasi konkurentët dhe miqtë balerine të Erisës kanë vendosur ta vizitojnë në shtëpi duke kaluar shumë momente të bukura së bashku. Erisa ka ndarë me ndjekësit në Instagram edhe disa foto me konkurentet por edhe me partnerin e saj ku shkruan:
“Une kam njerez fantastike ne jete. Po ti?😂 (Ka edhe te tjere po ende se kemi bere shkrepjen per albumin e fundvitit🥰)”
Reperi i njohur Drake i cili ka guxuar gjithmonë me tatuazhet e tij së fundmi ka bërë një tatuazh mbi njërën vetull ku shkruan, ‘miskeen’. Kjo fjalë që reperi ka shkruar përkthehet i varfër dhe sipas vendit të tij të lindjes përdoret për të përshkruar një përson të ëmbël dhe të pafajshëm.
Por që ndryshe nga sa jemi mësuar me tatauazhet e Drake këtë radhë ai është kritikuar shumë nga fansat e tij pasi sipas tyre ai po etiketon veten si një përson të varfër, dhe ky etiketim nuk i shkon reperit. Një nga ndjeksit e tij shkruan: “Nëse Drake e thotë këtë, cila është fjala për ne të tjerët?”. Një tjetër fans i tij shkruan: “Djali jeton në një rezidencë prej 150 milionë dollarësh”.
Gentian Zenelaj ka tashmë një jetë në ekran. Aktori i humorit dhe shumë i dashur për të gjithë publikun vjen për herë të parë në skenë me një rol dramatik.
Së fundmi aktori ka qenë i ftuar në emisionin “Rudina” që transmetohet çdo ditë në ekranin e ‘TV Klan’ ku ka rrëfyer më shumë për rolin e tij në dramën e titulluar “E kuqe” me regji të Altin Bashës dhe autorsi të John Logan.
Genti ka ndarë me publikun emocionet e forta të kësaj drame dhe një moment të papritur dhe aspak të këndshëm që ka ndodhur në skenë teksa po zhvillohej shfaqja. Atori e rrëfen këtë moment të rëndësishëm kështu:
“Ishte një datë e rëndësishme, që erdhi me kaq shumë lodhje, me kaq shumë mund, madje do të të tregoj edhe një moment komik, të frikshëm, në mund ta quaj, në premierë. Papritur, një moment, sa kishte ardhur dikush me një sy shumë të madh dhe shembet kanavaca e madhe komplet dhe bie në krahun tjetër me gjithë pikturë dhe për mua dhe Urimin ishte një shok i vërtetë, sepse nuk po dinim… u shqye skela e madhe që ra dhe unë dhe Urimi patëm një moment frike të tmerrshme, sepse nuk do dinim si do shkonte shfaqja përpara. Ndërkohë, regjisori Altin Basha kishte menduar gjithë finalen e shfaqjes mbi atë skelë të madhe, ku vendoseshin të gjitha pikturat, pra do të ishte një pjesë masive e skenografisë. Ka qenë një moment që unë do ta mbaj mend gjithë jetën, se si dy aktorë përpëliteshin. Gjysma e trurit punonte për tekstin dhe gjysma tjetër punonte si ta zgjidhim teknikisht sjelljen në këmbë të gjithë asaj skele të madhe. Shyqyr Zotit ia arritëm me sukses, madje shumë njerëz kishin menduar që është pjesë e shfaqjes, pra për një aktor është realisht moment i frikshëm në skenë”.
