Gossip.al

Kategori: Showbiz

Në kategorinë “Showbiz”, zhyteni në zemrën e industrisë së argëtimit, duke përfshirë muzikën, filmin, televizionin dhe më shumë. Këtu do të gjeni lajmet e fundit, premierat, ngjarjet e mëdha dhe momentet që përcaktojnë kulturën tonë të famshme. Kjo kategori sjell përmbajtje të pasur për të gjithë ata që dëshirojnë të mbajnë ritmin me ndryshimet dhe zhvillimet e shpejta në botën e showbizit. Fjala “Showbiz” është një term kyç që përmbledh të gjitha aspektet e industrisë së argëtimit, duke ju ofruar një pamje të plotë të asaj që po ndodh në skenën botërore dhe vendase. Lexoni “Showbiz” për të ndjekur trendet, lajmet dhe momentet që formojnë botën e argëtimit sot.

  • Këngëtares  Enca Haxhi i gjejnë vazo me kanabis në banesë

    Këngëtares  Enca Haxhi i gjejnë vazo me kanabis në banesë

    Në banesën e këngëtares është gjetur dhe sekuestruar nga policia e Tiranës pesë vazo të mbjella me “cannabis attiva“. Enca pohon se I kishte mbjellë në shtëpinë e saj pasi ishte përdoruese dhe I kishte për konsum vetjak. Policia ka kryer arrestimin e këngëtares.

    Enca Haxhi jetonte prej 6 muajsh në një vilë në periferi të Tiranës, e cila ishte në pronësi të saj.Ajo bashkëjetonte me një shtetas të huaj, i cili ndodhej me të  kur policia ndërhyri. Gjatë marrjes në pyetje nga hetuesit, ai ka pretenduar se nuk ka pasur asnjë dijeni në lidhje me lëndën narkotike, ndërsa nuk është kujdesur asnjëherë për to. Pas kësaj , i riu është lënë i lirë. Lënda narkotike ishte e varietetit 3 mujor, ishte gati afër pjekjes dhe kishte një gjatësi prej një metër, e kultivuar në verandën e banesës.

    Enca është një nga këngëtaret shqiptare më të ndjekura në rrjetet sociale duke numëruar mbi 2.3 milionë ndjekës vetëm në Instagram.

    Këngëtarja shqiptare, Ruenca Haxhiaj, e njohur me emrin Enca, është arrestuar të martën në Tiranë,sipas raportimeve.

    Në ligjin tonë penal, nuk është e përcaktuar sasia e lëndës narkotike apo psikotrope që duhet konsideruar si dozë e vogël. Në mungesë të këtij përcaktimi, gjykatat vlerësojnë se kriteret për përcaktimin e dozës së vogël janë:

    1) sasia e lëndës narkotike apo psikotrope,

    2) mënyra dhe rrethanat e mbajtjes së saj,

    3) çdo indicie tjetër, siç mund të jetë mënyra e ruajtjes dhe e mbajtjes, gjetja e mjeteve për mbajtjen, ndarjen, përzierjen, ndarjen, paketimin, peshores me ndjeshmëri të lartë: si qese farmaceutike, thika, letër alumini, gjetja e parave të fituara nga cedimi i lëndës narkotike, kapja e subjektit aktiv në vende të njohura për shpërndarjen e lëndëve narkotike, gjetja e një lloji të vetëm apo më shumë së një lloji të lëndës narkotike, gjetja e lëndëve që shërbejnë si prekursorë për përgatitjen dhe ndarjen e saj, etj.

    Përcaktimi i sasisë së mbajtur për përdorim vetjak, në mungesë të një përcaktimi sipas një akti ligjor apo nën ligjor, realizohet nga ana e ekspertit toksikologjik i thirrur nga Gjykata. Sasia për përdorim vetjak duhet të kryhet mbi bazën e një vlerësimi që rrjedh në bazë të një studimi të përgjithshëm të fenomenit të varësisë nga lënda narkotike të subjektit përdorues, ku të përcaktohen kufijtë maksimalë të dozës për përdorim ekskluzivisht personal për çdo substancë narkotike apo psikotrope.

  • Dua Lipa feston ditëlindjen në Ibiza

    Dua Lipa feston ditëlindjen në Ibiza

    Dua Lipa ka zgjedhur Ibizën për të festuar 28 vjetorin. Mes të ftuarve motra e saj Rina dhe vëllai Gjin, stilisti Simon Porte Jacquemus, i dashuri Romain Gavras, Giuliano Calza, Gilda Ambrosio, Mert Alas, Rocco Iannone, Marco Maestri dhe Lorenzo Posocco. Mes veshjeve seksi dhe kërcimeve, edhe web-i është çmendur.

    Dua Lipa shuan 28 qirinj mes veshjeve seksi, dollive dhe kërcimeve. Dhe, për këtë rast, ylli i pop-it të “Dance the night away” zgjedh Ibizën për një festë të veçantë. Mes të ftuarve motra e saj Rina dhe vëllai Gjin, stilisti Simon Porte Jacquemus, regjisori dhe i dashuri francez Romain Gavras, Giuliano Calza, Gilda Ambrosio, Mert Alas, Rocco Iannone, Marco Maestri, Lorenzo Posocco e shumë të tjerë.

    Pantera e skenës me një stil që nuk kalon pa u vënë re, këngëtarja feston ditëlindjen me torta e qirinj, disko pranë pishinës dhe një sërë pamjesh që fansat vështirë se do t’i harrojnë. E, këngëtarja përmes postimeve të gëzueshme ndan me ndjekësit momentet më të bukura dhe të shkujdesura të mbrëmjes. Siç dëshmohet nga fotot dhe videot e shfaqura në faqet sociale, Dua Lipa mundi të mahnitë vetëm me zgjedhjen e veshjes së saj, të cilat edhe një herë nënvizuan stilin e artistes. E rekomanduar nga miku dhe stilisti i saj Lorenzo Posocco, këngëtarja zgjedh veshje që nxjerrin në pah gjithë sensualitetin e saj.

    Për mbrëmjen që nisi festimet, Dua Lipa zgjodhi një mbulesë për supet e kuqe të zjarrtë, një bralet gjysmë transparente Gucci dhe pantallona me bel të ulët ngjyrë jargavan me aplikime lurex. Për të kompletuar look-un, syze maxi, një miks gjerdanësh me perla dhe një çantë argjendi, gjithmonë Gucci. Por festimet vazhdojnë dhe rrjedhimisht edhe radha e fustaneve. Kështu për darkën elegante me qirinj, Dua Lipa zgjedh një fustan të kuq me të çarë të thellë nga Valentino dhe gjerdan të gjatë floriri Chanel.

    Së fundmi, për të mbyllur kërcimin, një fustan midi me thekë nga Bottega Veneta që shoqëronte trupin e artistes në performancat e saj, duke i dhënë një nuancë feminiliteti dhe sensualiteti në të gjithë look-un.

    Edhe Dua Lipa prej kohësh ka hyrë në botën e modës. Në veçanti, viti 2023 ishte viti që shënoi hyrjen e saj në sistemin e modës në të gjitha aspektet. Para së gjithash, pjesëmarrja në një nga ngjarjet më domethënëse të kalendarit të modës, Met Gala, kushtuar stilistit Karl Lagerfeld. Kurorëzimi i verës ishte bashkëpunimi me Versace, i cili e pa yllin e popit të debutonte si stiliste për herë të parë.