Me sa duket pritjes i erdhi fundi dhe “Big Brother Vip Albania 3” do të nis së shpejti. Lajmi është bërë i ditur nga vetë faqja zyrtare e ‘BBVA’ teksa në postimin e fundit në Instragram ata kanë ndarë me ndjekësit një foto mozaik kamerash dhe vitin 2024, çka do të thotë që ndryshe nga sa jemi mësuar të shohim këtë vite ‘BBVA’ do të startoje jo ne Dhjetor por në muajt e pare të 2024-ës.
Akoma nuk ka një datë zyrtare, por që prej kohësh ka patur alidime të shumta në media për fillimin e edicionit të tretë apo dhe përsonazhet që do të jenë pjesë e kastit të këtij viti.
Lajme të ndryshme kanë qarkulluar edhe për moderatorët e ‘BBV’ këtë vit, por që për këtë të fundit janë shuar zërat nga vetë moderatorja Arbana Osmani e cila pak ditë më parë në një postim në Instagram ka ndarë me ndjekësit edhe lajmin që së shpejti do e shohim në ekran dhe ku më mirë së në prezantimin e ‘Big Brother’. “Dhe për ta mbyllur, për të gjithë ju që më pyesni pafund çdo ditë, shpejt do shihemi edhe në ekran, për te vazhduar një pasion që më entuziasmon njëlloj si para 25 vitesh, dhe që lindi po aty, tek Piramida” shkruan Arbana në postimin e saj.
