Pas një karriere të suksesshme në Turqi, Tolgahan Sayışman ka vendosur të heqë dorë nga aktrimi dhe të transferohet në Tiranë së bashku me Almedën dhe dy fëmijët e tyre. Gjatë një vizite në vendlindjen e tij në Turqi, aktori u tha gazetarëve se tani do ta shohim si producent dhe tregoi arsyen e vendimit të tij. Ai tha se ditët e gjata dhe të vështira në shesh e kanë bërë të marrë këtë vendim. Stresi i shkaktuar nga intensiteti i punës në setet e filmit dhe mungesa e tij në familje e bënë të ndihej jo rehat.
Edhe pse aktori i ka dhënë një drejtim të ri jetës së tij, ai nuk ka dashur të ndahet tërësisht nga sektori audioviziv. Edhe pse nuk do të mund ta shohim më si protagonist në serialet turke, ai është bërë producent, gjë që i mundëson të kalojë më shumë kohë me familjen dhe i ka dhënë qetësinë shpirtërore.
Sipas Cnn Turk, çifti mori vendimin për t’u larguar nga Turqia pas tërmeteve me magnitudë 7.7 dhe 7.6 ballë në Kahramanmaraş më 6 shkurt. Megjithatë, Sayışman u tha gazetarëve se do të vizitojë shpesh Turqinë.
“Gjashtë muaj të vitit do të jem në Shqipëri dhe gjysmën tjetër në vendin tim. Tani kam shtëpi në dy vende”, tha ai.
