Në moshën 56-vjeçare, DJ francez David Guetta po përgatitet të zgjerojë familjen. Së fundmi ai u shfaq në tapetin e kuq të çmimeve Latin Grammy, së bashku me partneren e tij Jessica Ledon, e cila u shfaq me barkun e rrumbullakosur.
Gati dhjetë vite pas fillimit të lidhjes së tyre, David Guetta dhe e dashura e tij Jessica Ledon së shpejti do të bëhen prindër.
Në fotot e eventit modelja u shfaq e veshur me një fustan të ngushtë ku tregoi me krenari barkun e rrumbullakosur. David Guetta, i buzëqeshur, nuk mund ta fshihte lumturinë e tij dhe për ta zyrtarizuar këtë lajm të mirë, muzikanti i zgjedhur së fundmi “DJ i vitit”, në WECB Music Awards 2023, postoi nje foto nw Instagram ku pozon me Jessica Ledon, ku shkruan: “Kemi një lajm të madh për t’ju thënë! Publikimi më i rëndësishëm i vitit.”
Kjo nuk është hera e parë që David Guetta po përgatitet të bëhet baba. Me ish-gruan e tij Cathy Guetta, ai kishte tashmë dy fëmijë: Tim-Elvis, tani 19 vjeç dhe Angie, 16 vjeç.
Pas 22 vitesh martesë, ylli me famë botërore u divorcua nga Cathy Guetta në gusht të vitit 2014. Në të njëjtin vit, DJ u njoh me Jessica Ledon. Ata zyrtarizuan lidhjen e tyre në shkurt 2016, gjatë një darke të organizuar nga François Hollande, në Elysee, për nder të presidentit kuban Raoul Castro.
