Kompania e Robert De Niro duhet t’i paguajë një ish asistentes 1.2 milion dollarë (982,000 £) për pretendimet për diskriminim gjinor dhe hakmarrje.
Vendimi i jurisë i jep fund një beteje ligjore shumëvjeçare midis aktorit dhe Graham Chase Robinson që filloi pas dorëheqjes së saj nga Canal Productions.
Zonja Robinson kishte paditur për 12 milionë dollarë, duke pretenduar se ajo ishte abuzuar, poshtëruar, paguar pak dhe trajtuar si “gruaja e zyrës” e De Niros.
Por juristët nuk e gjetën aktorin personalisht përgjegjës në gjykimin civil.
Zonja Robinson ishte në listën e pagave të De Niros për 11 vjet. E punësuar si asistente e tij personale në vitin 2008, ajo u rrit ne detyre më vonë si zëvendëspresidente e prodhimit dhe financave në kompani.
Por pas dorëheqjes në vitin 2019, ajo paditi për “shqetësim emocional dhe dëmtim të reputacionit”, duke pretenduar se ai shpesh bënte “komente vulgare, të papërshtatshme dhe gjinore” dhe i caktoi detyra ” femërore”.
Ai këmbënguli se ai kurrë nuk ishte abuziv, dhe ndërsa ai pranoi se ishte ndonjëherë i keq, mohoi akuzat e zonjës Robinson.
Canal kundërshtoi për 6 milion dollarë, duke e akuzuar atë për keqpërdorim të fondeve të zyrës, vjedhje të pronës së kompanisë dhe transferimin e më shumë se 450,000 dollarë në llogarinë e saj personale.
Por, pas tetë ditësh dëshmi dhe pesë orë diskutimi mbi pretendimet e tyre, juria nuk e gjeti zonjën Robinson përgjegjëse për asnjë nga pretendimet për sjellje të pahijshme financiare të Canal.
De Niro nuk ishte në sallën e gjyqit kur vendimi u lexua me zë të lartë të enjten.
Zonja Robinson u pa duke buzëqeshur ndërsa vendimi u dha, raportoi Associated Press.Avokati i saj tha për BBC se ishte “i kënaqur që juria pa atë që pamë ne”.
“Jo vetëm që zonja Robinson e fitoi çështjen e saj kundër Canal-it, por juria e shfajësoi plotësisht zonjën Robinson duke i konsideruar pretendimet e De Niros kundër saj si të pabaza”, tha David Sanford në deklaratën e tij.
Në dy ditë De Niro pranoi se e kishte qortuar herë pas here dhe e kishte ngritur zërin në prani të saj, por tha se ai “asnjëherë nuk ishte abuziv”.
Por në një shpërthim dramatik, ai e shikoi drejtpërdrejt atë dhe bërtiti “turp për ty” nëpër sallën e gjyqit.
